Tinamaan an nagkapirang lunadan na nag-agi sa may kalabaan kan northbound lane kan C5 Katipunan harani sa Ateneo de Manila University (ADMU) makalihis na magbagsak an sarong poste kan kuryente asin billboard kasuodma, Sabado, Hulyo 19.
Sigun man ki Metropolitan Manila Development Authority (MMDA) Chairman Romando Artes, mayong nairido sa nasmabitan ng insidente.
Paliwanag kan opisyal na posibleng natumba an poste asin billboard huli na man sa kusog kan pagbayo kan duros dara kan maraot na kamugtakan kan panahon.
Huli digde, paramientras na isinarado an nagkapirang parte kan C5 Katipunan harani sa Ateneo.Kaya saeo sana an maaagihan sa Ateneo de Manila University, Katipunan Avenue pasiring Commonwealth Avenue.
Nagpautob man nin Traffic rerouting sa lugar kun saen pigtugotan na makaagi an light vehicle sa ADMU.
An mga gikan man nin C5 Katipunan an pwedeng mag-agi sa Aurora Blvd tanganing makapasiring sa saindang destinasyon.Kaya inabisuhan an mga motorista na mag-agi paramientras sa alternatibong ruta.
Mientrastanto, tulos man na naghiro an MMDA kaubahan an iba pang mga departamento tanganing mapakarhay an bulos kan trapiko sa nasambitan ng tinampo asin masierto an kasalbaduhan kan mga nag-aagi sa kalabaan kan Katipunan.
