CAMSUR – Namamatean sa banwaan kan Calabanga, Camarines Sur an halangkaw na presyohan kan niyog asin Copra.
Sigun ki Jemuel Lauron, sarong vendor sa banwaan, na an barakalan kan niyog an nasa P35 hasta P60 depende sa dakula kaini.
Pira sana sa rason kun tano mahal an presyohan kaini an huli ta kulang pa an supply kan niyog siringman halangkaw pa an presyo kan copras, kun saen sa saindang banwaan nagpapakol sa P65 an kada kilo.
Sigun pa ki Lauron, mas nagbebenta sinda sa Kinudkod na niyog kun saen iba pa an presyo kaini sa presyohan kan niyog.
Mientrastanto, sinabi man kan mga nagniniyog, mas pigpipili ninda na ipabakal na copra an niyog nin huli ta mas mahal ini kun ikukumparar sa barakalan kan niyog.
Apwera pa digdi, huli man sa pagmahal kan copra, kun kaya nagmamahal man an presyo kan lana.
Sa presente soboot nagluya an barakalan kan niyog orog na ta mauran asin nagpuon na an klase rason tanganing an iba wara nin extrang kwarta.
