Plano kan Ukraine na maglatag nin panibagong peace talks sa Ukraine sa mga masunod na aldaw.
Sinaysay ni Ukrainian President Volodymyr Zelensky, na sa mga masunod na aldaw, pigpropwesto ninda an urulay pang katuninungan sa lado man kan Russia.
An nakalihis na duwang pag-uulay kaya na isinagibo sa Istanbul, Turkey an nabigong matapos sa ceasefire.
Liwat na pighurot ni Zelensky na preparado man ining makipag-ulay ki Russian President Vladimir Putin.
Marurumdumaang kan nakalihis na semana, inilatag kan Russia an nagkapirang mga kondisyon siring kan paghali kan Ukraine sa mga teritoryo asin man dae dapat mag ako nin tabang an Ukraine gikan sa manlaen-laeng mga nasyon.
Enot ng sinabi man kan Russia na andam man ining makipag-ulay sa Ukraine makalihis na tawan sinda ni US President Donald Trump nin 50 aldaw tangani magsagibo nin pag-uulay asin kun dae man madagos, papatawan sinda nin mas magabat nin padusa.
