Pigreport kan Philippine National Police (PNP) na 12 katawo na an binawian nin buhay huli sa mahewasang pagbaha na naeeksperyensiyahan sa nasyon huli sa daeng untok na pagbulos kan makusog na pag-uuran dara kan habagat.
Sigun ki PNP chief information officer Brig. Gen Randulf Tuaño, kadaklan sa mga binawian nin buhay an huli sa pagkalamos kun saen lima sa sainda an naireport sa CALABARZON mantang tolo man sa Negros Island Region.
Duwa pa sa mga biktima sa kalamidad an gikan sa MIMAROPA asin Metro Manila.
Dugang pa kan opisyal, an duwang nagadan an nabagsakan nin puon kan kahoy sa Northern Mindanao asin sa BARMM.
Mientrastanto, igwa man nin limang katawo an naireport na nawawara huli sa mga pagbaha sa Metro Manila, 3 gikan sa Western Visayas asin saro sa CALABARZON.
Basado man sa datos kan pambansang pulisya kan nakalihis na bangi nin Martes, Hulyo 22, nagpakol na sa labi 144,000 indibidwal gikan sa labi 39,000 pamilya an presenteng nasa evacuation centers sa manlaen-laen na parte kan nasyon makalihis na sinda an iibakwar kawsa kan labing pagbaha.
Kaisa din ang PNP sa nagsasagawa ng search and rescue operations sa mga apektado ng kalamidad kung saan apat mula sa 12 napaulat na nasawi sa sakuna ay na-rekober ng police search and rescue teams.
Sa ngunyan, padagos an pagtabang kan kapulisan sa mga apektadong lugar sa bilog na nasyon.
