Maduon na kinondenar kan dating lehisalador asin dating tagapagtaram ni Vice President Leni Robredo na si Atty. Barry Gutierrez si Senate President Chiz Escudero katakod soboot sa pagmanipula sa 2025 national budget sa paagi kan 142.7 billion budget insertions.
Napag-araman sa nasambitan ng pondo, mga political allies ni Escudero an makikinabang asin tanganing i-secure an Senate leadership.
Sinaysay ni Atty. Gutierrez, apwera sa pagbaluktok sa Saligang Batas, pati sa national budget binaluktok man tanganing makinabang an mga ka-tropa kaini.
An P142.7 billion insertions, kadaklan digde an ipig-agi sa infrastructure asin flood control projects.Napag-araman an mga probinsiya na suportado si Escudero iyo an saiyang political allies an makakaresebir sa nasambitan ng pondo partikularmente an Bulacan asin Sorsogon na iyong igwang pinakahalangkaw na share.
Sigun ki Gutierrez, an nasambitan ng lakdang an bako sanang simpleng pagbubugtak nin pondo kundi malinaw na indikasyon kan paggamit kan kaban ng bayan komo personal na sandata sa politika.
Binatikos man ni Gutierrez kun pano nagkaigwa nin matinding pagbawal sa alokasyon kan badyet para sa mga serbisyong panlipunan asin mga programang pang-ekonomiya na nag-abot sa 33.4% asin 29.2% sigun sa pagkakasunod-sunod tanganing makagibo nin espasyo para sa mga proyekto sa imprastraktura ni Escudero.
