NAGA CITY- Nagpakol na sa P15.8 million an naitaong asistensiya kan Department of Social Welfare and Development Bicol sa mga pamilya na naapektaran nin raot kan panahon hasta kasuudma, Hulyo 25, 2025.
Sigun ki Claudio Villareal, chief kan DSWD-5’s Disaster Response Management Division, padagos soboot an saindang pagdedestrebwer nin humanitarian assistance, partikularmente mga food packs sa mga lokal na gobierno na apektado kan mga nakaaging bagyo asin habagat.
Dugang pa kan opisyal, igwa soboot bastanteng suplay para sa augmentation kun saen an available na resources an mapakol pa sa P252.5 million na family food packs asin non-food items na pigdestrebwer na sa mga warehouses sa Rehiyon.
Katakod digde, nakapagheras na an DSWD Bicol nin nasa 36,849 family food packs, 32 na hygiene kits, duwang family kits, sarong kitchen kit, asin 32 na sleeping kits.
Hasta kasuudma, aldaw nin Biyernes, an an DSWD Bicol an nakapagrehistro na nin nasa 293 pamilya o katampad kan 1,014 na indibidwal na yaon sa 26 na evacuation centers, mantang 636 pamilya o o 2,364 an yaon sa saindang mga kapamilya.
Pigsierto man kan opisyal na padagos an saindang simultaneous monitoring sa mga nag-ibakwar na mga indibidwal sa mga evacuation centers sa bilog na Rehiyon.
Displaced families are in evacuation centers in Guinobatan, Oas, and Jovellar in Albay, and in Bula, Camarines Sur.
Sa ngunyan, igwa nang kabilugang 393,972 individuals o katampad kan 88,896 na pamilya na gikan sa 415 barangays an apektado kan pinagsararong epekto kan southwest monsoon oo habagat asin mga bagyo siring kan Crising, Dante asin Emong.
