Naglangkaw nin husto an kaso kan malnutrisyon sa Gaza, kun saen 63 sa 74 na an binawian nin buhay ngunyan na 2025 an naireport ngunyan na bulan nin Hulyo, kaibahan an 24 kaakian na mayo pang 5-anyos.
Sigun sa World Health Organization (WHO), an krisis an lubhang mapupugolan kudta kun dae na-delay an paglaog kan pagkakan, bulong, asin humanitarian aid sa lugar.
Sa Gaza City, haros saro sa limang aki an apektado kan matinding malnutrisyon, mantang triple an paglangkaw kan kaso puon kan nakalihis na Hunyo.
Apat na pasilidad sana an nagtatao nin epesyal na bulong sa malnutrisyon, alagad haros magbigay na ini huli sa kawaran nin gasolina asin suplay.
Nangapodan an WHO nin tulos na tabang tanganing mapugolan an dagusang paglala kan krisis asin liwat na pighurot an pangangaipuhan kan untok-putukan sa proteksiyon sa mga sibilyan.
