Pigsunadan nin kasong corruption si Department of Health (DOH) Secretary Ted Herbosa asin limang opisyal kan ahensiya.
Igwang koneksiyon ini sa pagbakal ninda kan P44.6 milyon na kantidad kan mga mental health drugs.
Kaibahan na pigreklamo sinda Officer-in-Charge and Director for Supply Chain Management Engr. Dave Masiado, DOH Medical Officer IV Dr. Carmela N. Granada, Timotei Jemma A. Rabe, Tasneem A. Amping, Erwin J. Odpoga, asin Ramon Guiang.
Basado sa reklamo na kuwestiyonable asin dae nararapat an pagbakal kan psychiatric medications sa private civic organization na Rotary Club of Quezon City.
Napag-araman man na kadaklan sa mga bulong na nabakal an madali ng mag-expire.
Kan nakalihis na Enero 30 kan maresebir kan Assistant Secretary of Health for Public Health Service Cluster and Concurrent Director IV Farwa M. Hombre an direktiba ki Herbosa na simbahan an hagad kan Rotary Club.
Pag-abot kan Pebrero 11, nagluwas nin Department of Order si Undersecretary of Health Achilles Gerard C. Bravo, na nag-aallocate nin P1, 527, 686 sa National Center for Mental Health ( NCMHI).Alagad sa ginibong inspection, nadiskubre na dae tanganing maghirit an NCMHI nin anumang pondo.
Mantang kan nakalihis na Abril 4, pighagad ni Herbosa an mga psychiatric drugs para sa medical mission na gaganapon kan nakalihis na Hunyo 17, alagad mayong anuman na lugar an nakabugtak sa surat.
Pira sa mga kasong pigkakahampang kan mga opisyal iyo an rave Misconduct, Conduct Prejudicial to the Best Interest of the Service, asin Violations to Anti-Graft Law.
Dae muna matao nin pahayag an DOH sa paagi ni Drm Albert Domingo hasta makua ninda an kopya kan official na reklamo gikan sa Ombudsman.
