Dae mababa sa 14 katao an nairehistro na gadan o nawawara huli sa matinding pagbaha sa probinsya nin Dien Bien sa Vietnam, sigun sa report kan state media kan nakalihis na Biyernes.
Napagaraman na nagpuon an pagbaha kan Huwebes nin pagkabanggi makalihis an pirang oras nin makukusog na uran, na nagkawsa man nin pag-apaw kan tubig sa mga salog, flash floods, asin landslide sa mga parte kan nasambitan ng lalawigan.
Pinakamatinding tinamaan an syudad sa Xa Dung kun saen sarong tao an kumpirmadong gadan asin anom pa an nawawara.
Susog sa lokal na gobyerno, mayo pa man nin linya nin kuryente sa lugar asin man sarado pa man an mga tinampo pasiring sa pirang lugar huli sa mga pagbaha.
Mientrastanto, nairehistro man an duwang aki na natabunan kan nagrasay na daga sa Hang Pu Xi village.
