Aram baya nindo mga ka-bombo, an pinakadakulang pidaso kan Mars na nakua sa Earth an naipabakal sa kantedad na labi $5 million sa sarong auction kan kakaibang geological asin archaeological objects sa New York.
An 54-pound o 25-kilogram na gapo na igwang pangaran na NWA 16788 an nadiskubrer sa Sahara Desert kan Niger kan sarong meteorite hunter kan November 2023 makalihis an makusog na pagsabog kawsa sa pagtama kan asteroid.
An gapo, nagbiyahe nin nasa 140 million milya o 225 million kilometro sa Earth.
An pigkarkulong presyo man kaini antes an auction nagpapakol sa $2 million hasta $4 million.
Katakod digde, an pinal na bid an nag-abot sa $4.3 million kun saen pigdugang pa an fees asin costs kun kaya nagpakol an presyo kan gapo sa $5.3 million.
Huli sa nasambitan ng kantedad, pigbisto an gapo na ini komo most valuable meteorite na naipabakal sa auction.
Mientrastanto, dae naman pigbuyagyag sa publiko an pagkakabistuhan kan nakabakal.
