Pig-anunsyar kan Metropolitan Manila Development Authority (MMDA) asin Department of Public Works and Highways (DPWH) an planong pagpapatindog kan underground water detention tanks sa manlaen-laen na parte kan Metro Manila komo parte kan lakdang kontra sa padagos ma pagbaha sa rehiyon.
Sigun sa MMDA, an mga tangkeng ini an masirbinh imbakan kan tubig-uran na pwedeng gamiton liwat sa ibang bagay, siring kan panlinig sa tinampo o pananom. Obheto kaining bawasan an biglaang pag-apaw kan tubig sa mga lansangan tuyong makukusog an pag-uran.
Eenoton na ipatindog ngunyan na taon an water detention tank sa laog kan Camp Aguinaldo sa Quezon City. Kaibahan pa sa mga lugar na pagpapatindogan kan kaparehong pasilidad iyo an Liwasang Bonifacio, Rajah Sulayman Park, Remedios Circle, asin University of Santo Tomas (UST).
Parte ini kan mas mahewas na flood control program kan MMDA asin DPWH para sa Metro Manila.
Mientrastanto, mas pinahigit kan MMDA an kampanya kontra baha sa Metro Manila sa paagi kan sabayang paglilinig kan estero asin pagproseso kan basura komo parte kan kasimbagan sa epekto kan climate change.
Sigun ki MMDA Chairman Romando Artes, dakulang papel kan solid waste management sa flood control.
An mga baradong estero soboot an bunga kan kakulangan sa disiplina sa pag-aapon nin basura.
Katakod kaini, nagpuon na an rehabilitasyon sa 23 primerong estero gamit an bagong desilting equipment kan MMDA.
Obheto kan ahensiya na regular ining mamantinir na malinig, mantang pigmo-monitor man an natatadang 250 bulusan sa NCR.
