Nagheras nin testimonya nin pagtubod asin pasasalamat an Talent manager na si Angeli Panglinan kasabay kan pagselebrar sa kumplianyo kan saiyang agom na si Gary Valenciano kasabay man an saindang ika- 41st wedding anniversary.
Sa social media, pigheras ni Pangilinan an manungod sa OPM icon, na nag selebrar kan ika 61 anyos ngunyan na taon.
Pinakasalan ni Pangilinan si Valenciano kan ika 20th birthday kaini kan nakalihis na August 6, 1984.
Pigbuyagyag ni Angeli na kan taong 1978, pigprangka na sinda kan mga doctor na kun saen, igwa na sanang estimated lifespan si Valenciano nin hasta sa 30 taon na sana makalihis na ma-diagnosed nin Type 1 insulin dependent juvenile diabetes.
Buot sabihon na an estimated life span an hasta na sana sa taong 2008 sa edad na 44 anyos.
Alagad sa tabang kan pag-advance ngunyan kan diabetes management asin makabagong teknolohiya, tinawanan sinda nin real-time glucose monitoring gadgets tangani ma-check an sugar levels 3-4 times a day ni Valenciano, dakulang katabangan ini kaya man nag-ekstender pa an life span kan singer.
An agom na si Angeli na igwa na ngunyan nin tulong aki ki Valenciano, labi an pagtaong pasasalamat asin pag omaw sa Mahal na Diyos para sa soboot miraculous special life ni Valenciano na nag inspirar sa milyong katawo sa saiyang mga nagin kanta asin storya sa buhay.
Para ki Angeli an kada taon sa buhay ni Gary an maikokonsiderar na bonus gikan sa Kaguranganan
