Mainit na pigresebir kan TINGOG Party-list an mga lider kan kajovenan gikan sa Tayo ang Taya (TAYA) Coalition sa saindang pagbisita sa Kamara de Representantes komo suporta sa obheto kan grupo na pakusugon an boses kan kajovenan asin ibusol an saindang pagpapartisipar sa paggibo nin ley.
An TAYA Caolition an binilog kan mga student leaders asin youth advocares gikan sa manlaen-laen na nangengenot na unibersidad sa nasyon.
Kasuarin sana, isinagibo ninda an YANIG: A Youth Summit at the University of the Philippines Diliman kun saen labi 200 youth leaders an nagtiripon taganing pag-ulayan an importanteng isyu asin magbilog nin 5-point Youth Manifesto para sa ika-20 Kongreso.
Sa saindang courtesy visit, representantes kan TINGOG Party-list si Rep. Jude Acidre, na iyo man tagapamayo kan House Committee on Higher and Technical Education asin commissioner kan Second Congressional Commission on Education (EDCOM II).
Liwat na pigtawan-duon kan TINGOG na gibuhong prosopwestong ley an mga prosopwestong piglatag kan mga kajovenan tanganing maibusol an saindang kapakanan.
Sigun ki Acidre, kadaklan sa mga laog kan TAYA manifesto, iyo an siring kan reporma sa edukasyon, suporta sa mental health, good governance, asin maingat sa paggamit kan teknolohiya an kasabay kan agenda na pigbubusol kan TINGOG sa 20th Congress.
Nagpahayag nin kapreparaduhan an TINGOG na makipagtabangan sa TAYA Coalition tanganing surion asin pakarhayon an mga primerong suhestiyon gikan sa manifesto antes isunad sa Kongreso.
