Nagpagirumdom an Department of Agriculture (DA) na dae dapat gamiton an nararani na 60-day rice import ban komo basehan tanganing maglangkaw an presyo kan bagas.
Ini an makalihis na maobserbahan kan DA an paglangkaw sa presyo kan imported rice puon ₱43 sa ₱45 kada kilo.
Sigun ki DA Spokesperson Assistant Secretary Arnel de Mesa, magigin epektibo an import ban sa Setyembre, kaya mayong dapat na retailer na maglangkaw nin presyo.
Pigsierto man kaini na bastante an suplay kan bagas sa nasyon asin igwang maabot pa na imported rice ngunyan na Agosto.
Nagtutubod an opisyal na posibleng espekulasyon asin dae kakulangan sa supply an rason sa paglangkaw kan presyo nin bagas.
Mientrastanto, dagos-dagos man an tabang kan ahensya sa mga lokal na parama sa nasyon tanganing makabuhat sinda sa kapagtaeosan.
