Pigpahimutikan kan dating Aktres na si Nadia Montenegro na naggamit ini nin marijuana o nanigarilyo sa comfort room kan Senado.
Basado sa incident report kan Office of the Sergeant-at-Arms, pig-ako kaini na igwang darang vape sa saiyang bag na soboot pinagpuonan kan parong.
Susog man sa report ni Senate Security Officer Victor Patelo, duwang beses naireport an insidente kan dae pangkaraniwan na parong na gikan sa ladies’ comfort room na harani sa extension offices kan mga senador.
Enot na nairehistro an insidente sa katahawaan kan Hulyo 2025 pasado alas-5 nin hapon.
Sigun sa report, sarong male staff an nag-apod sa nakatalagang security personnel sa ika-5 palapag tanganing ireport an parong sa saindang lugar.
Kan dumanan ini, nakumpirmar kan guwardiya an kakaibang parong alagad mayong naobserbahang naninigarilyo sa palibot.An ikaduwang insidente an nangyari kan Agosto 12, 2025 sa parehas na oras asin lugar.
Dugang pa sa report, sarong male staff gikan sa opisina ni Senador Panfilo Lacson an nagsaysay na an parong an kaparehas kan marijuana gikan sa ladies’ comfort room asin tinukoy na sulamenteng si Montenegro sana an nasa lugar kaidto.
Sa ngunyan, padagos an pigsasagibong pagberipika kan Senado sa nasambitan ng report.
