NAGA CITY- Maogma asin blessed soboot an namamatean kan sarong indibiwal na nag Rank 1 sa August 2025 Certified Plant Mechanics Computer-based Licensure Examination.
Sa entrevista kan Bombo Radyo Naga ki Engineer Ace Roldan Moraña Legardo, Rank 1 sa August 2025 Certified Plant Mechanics computer-based Licensure Examination, sinaysay kaini na yaon an saiyang paglaom na makakapasar asin maabot an saiyang nakuputan sa presente orog na ta itinao man kaini an saiyang paglalapigot asin bastanteng oras para sa nasambitan ng eksaminasyon.
Sigun ki Legardo, an saiyang trayumpo magagamit na bala sa mga proyekto na saiyang pigkakaputan sa trabaho sa presente.
Katakod digde, para man sa saiyang ginibong preparasyon, nagluwas ini paramientras sa sirkulasyon kan social media, pag-settle kan mga problema sa harong asin trabaho siring man an pag-adal nin marhay para sa mga pattern sa pagre-review.
Kaipuhan soboot an focus sa eksaminasyon tanganing malikayan an anuman na klase kan kaulangan.
Apwera digde, naghahanap man ini nin motibasyon orog na ta para sa saiya boring an pag-aadal kun kaya kaipuhan nin paagi tanganing ma-boost an saiyang moral asin magin preparado sa eksaminasyon.
Sa ngunyan, nagpasalamat na sana si Legardo sa Kagurangnan para sa trayumpo na saiyang nakaputan sa buhay.
