Pinadangugan ni Leyte Rep. Richard “Goma” Gomez sa saiyang post sa Facebook page an sarong alkalde na nag-aakusar sa mga kongresista katakod sa mga maanomalyang flood control projects.
Pigtawan duon ni Gomez, dapat masupog an nasambitan ng alkalde na nagriribok imbes na asikasuhon an kadakol na problema sa saiyang siyudad siring kan naglalalang kalidad kan duros, kawaran nin bastanteng pampublikong transportasyon, palpak na sistema sa pag-aapon nin basura, pagigin overcrowded, mga nakatindog na ilegal na istraktura asin bakong pakarhay na urban planning.
Sa hiling ni Gomez an primerong pangenot na puntirya kan nasambitan ng alkalde an kongresista sa saiyang siyudad na mas kadakol an nagigibong proyekto kumparar sa saiya.
Kaya man pigtawan duon ni Gomez, dae dapat pigdadamay kan nasambitan ng alkalde an gabos kan mga kongresista tanganing ibida asin paluwason na matibay an saiyang sadiri asin mabugtak sa sentro kan isyu.
Mientrastanto, mayong pinangaranan si Gomez alagad marurumduman, kasuarin sana pigpahayag ni Baguio City Mayor Benjamin “Benjie” Magalong na igwang 67 mga kongresista an imbwelto o nagrereseber nin kickback sa flood control projects.
