Liwat na nangapudan si US President Donald Trump ki Russian President Vladimir Putin asin Ukrainian President Volodymyr Zelensky na idagos an pag-uulay.
Pigsaysay kaini na pwede nindang gibuhon an pag-uulay maski dae na ini kaibahan o maatender.
Pig-ako man kan US President an kariribukan sa pag-ultanang kan duwang lider an masakit na maresolbar huli ta dae nagpapahiling si Putin nin interest na matapos na an giyera.
Hahalaton man kaini an kasimbagan kan Russian President asin kun enkaso magmatagas an mahahampang sa magabat na sitwasyon.
Dae naman pigsambit ni Trump kun ano an kaluluwasan kan Russia enkaso magmatagas ini.
Enot nang pigsaysay ni Putin na bukas ini sa direktang pakikipag-ulay sa Presidente kan Ukraine alagad makalihis an pirang aldaw, pigbawi ni Foreign Minister Sergei Lavrov kan Russia an pahayag kan Presidente kan Russia.
