NAGA CITY- Pinasalamatan kan alkalde kan siyudad ni Naga an gabos na ahensiya na nakisumaro sa Joint Operation Center sa bilog na durasyon kan Peñafrancia Festival.
Marurumduman, pinal nang nagtiripon an pinagsarong clusters kan Joint Operations Center kan Penafrancia Fiesta 2025 tanganing selyuhan an pagtatarabangan para sa nakalinyadang event ngunyan na taon.
Sa nasambitan ng pag-urulay, piglatag an mga kaplanuhan kan pitong clusters commanders para sa saindang preparasyon durante kan labi sa sarong semana na aktibidad sa selebrasyon kan Peñafrancia Fiesta.
Sigun ki Robredo, kun mayo an tabang kan mga pitong clusters na ini madidipisilan an lokal na gobierno na bilugon an mga dapat na mangnuhon pag-abot sa kasiributan ngunyan na maabot na Setyembre.
Pigtawan duon pa kan alkalde, piglalaoman ninda an pagbulos kan mga deboto kun kaya kaipuhan na pagprepararan nin marhay tanganing malikayan an pagbungkaras kan darakulang problema.
Mientrastanto, makalihis man an presentasyon an signing kan Memorandum of Agreement sa Our Lady of Penafrancia Minor Basilica and National Shrine, pinangenotan mismo ni Naga City Mayor Leni Robredo asin Caceres Archbishop Rex Andrew Alarcon.
