Nagtutubod an Department of Health (DOH) na posible mang maipautob an zero balance billing bako sana sa Department of Health (DOH) hospitals kundi magin sa iba pang opsital sa bilog na nasyon.
Sa pagdangog kan Senate Committee on Health and Demogaphy, sinaysay ni Health Secretary Ted Herbosa, piggibo ninda an gabos tanganing mapalangkaw an PhilHealth benefit package, na makakatabang sa pagpapautob kan nasambitan ng polisiya.
Sigun sa sekretaryo, an kasuguan soboot ni Presidente Marcos Jr., dapat zero balance billing sa gabos kan DOH hospitals ini an basic o ward accomodation.
Sa katunayan soboot, antes pa ianunsyar kan Presidente an zero balance billing, nag-pilot na sinda asin kayang ipautob an programa sa mga DOH hospitals.
An Zero Balance Billing (ZBB), sarong programa kan Philhealth na nakapalaog sa National Health Insurance Program (NHIP).Obheto kan programang ini na masierto na dae na masasakitan sa gastuson an mga pasyente, orog na an mga indigent patients, kun sinda naospital.
