Nagpatindog an North Korea nin sarong sekretong military base harani sa border kan China na posibleng pagbugtakan nin pinakabagong long-range ballistic missiles (ICBM) kan nasambitan ng authoritarian country.
Basado sa inilathalang report, an “undeclared” Sinpung-dong Missile Operating base, pigtukdok an 27 kilometers o 17 miles gikan sa Chiense frontier, an Center for Strategic and International Studies (CSIS).
An nasambitan ng pasilidad sa North Pyongan Province an pwedeng makapag-imbak nin nasa anom hasta sa siyam na nuclear-capable intercontinental ballistic missiles asin saindang launchers. Nakabugtak man sa report na pwedeng magkwsa an nasambitan ng weapons nin nuclear threat sa East Asia asin man continental United States.
Sugog pa sa report, an nasambitan ng military base kan NoKor an saro sa 15 hasta sa 20 ballistic missile bases, maintenance, support, missile, storage asin warhead storage facilities na dae idineklarar kan North Korea.
Marurumduman, puspusan an ginigibong pagpapakusog pa kan NoKor sa saindang nuclear weapons program magpuon kan mabigo an summit kaiba an Amerika kan nakalihis na 2019 asin an kansuarin sanang pangapudan ni NoKor leader Kim Jong Un para sa rapid expansion pa kan saindang nuclear capability.
