Pinawarang-sara kan Sandiganbayan sinda dating Vice President Jejomar Binay asin an saiyang aki na si dating Makati Mayor Junjun Binay sa mga kasong graft, falsification of public documents, asin malversation of public funds katakod kan kontrobersyal na P2.2 bilyong Makatio City Parking Building project.
Sigun sa Third Division kan Sandiganbayan, dae napatotoohan kan prosekusyon an kasalan kan mga akusado “beyond reasonable doubt” kaya sinda napawarang sala.
Kaibahan sa desisyon an paghali kan Hold Departure Order kontra sa mga Binay asin iba pang akusado.
Dae man sinda pinatawan nin civil liability huli sa kawaran nin bastanteng ebidensiya.
Si dating VP Jejomar Binay an kinasuhan sa mga enot na parte kan proyekto kan ini pa an alcalde kan Makati.
Mantang si Junjun Binay man, kinasuhan sa mga huring kabtang kan proyekto, kaibahan an mga kontrata na soboot igwang kakulangan sa dokumentasyon asin performance security.
An mga kasong ini, pigsunad kan nakalihis na 2016, makalihis an termino ni Binay komo panduwang president kan nasyon.
