Target kan Pilipinas asin Australia na magtinta sa panibagong defense deal.
Ini an tangani ma-counter an umiigting pang agresibong mga aksiyon kan China sa pinag-iiwalang kadagatan.
Sigun ki Defense Sec. Gilberto Teodoro, mataong dalan an enhanced defense cooperation agreement para sa mas madalas na joint military drills na obhetong pakusugon pa an combined operational capability asin pagpapakusog nin regional deterrence.
Inihayag man ni Australian Defense Minister Richard Marles, na presenteng nasa Maynila para sa ministerial meeting, na nilalaomang matintaan an bagong kasunduan sa masunod na taon.
Susuportaran man kan kasunduan an pagpapagibo nin defense infrastructure sa Pilipinas kun saen pinaplanong ipatugdok an mga proyekto sa limang lokasyon.
Inanunsyar an nasambitan ng plano kasabay kan isinagibong joint military exercises sa pag-ultanan kan mga personnel kan duwang nasyon sa may kanluran asin hilagang parte kan Pilipinas.
