NAGA CITY – Ikukundusir kan PRC-Camarines Sur puon saaga, aldaw nin Lunes an International Humanitarian Law Celebration. Sigun ki Maria Felisa Badiola, Chapter Administrator, Philippine Red Cross – Camarines Sur Chapter, an nasambitan ng selebrasyon an nagpuon kan nakalihis na taon kun saen kadakol man na binaling mga contest digde.
Dugang pa kaini, mangyayari an International Humanitarian Law Celebration sa laog nin tulong aldaw magpuon saaga, Agosto 25 hasta 27 na gaganapon man sa sarong mall sa siyudad nin Naga.
Katakod digde, kadakol pa man giraray an ikukudusir na aktibidad sa laog kan selebrasyon siring na sana kan debate na iyo an hightlight kaini huli man ta madurar ini puon sa aldaw kan selebrasyon hasta sa matapos.
An nasambitan man na contest an open sa mga interesado na magbali digde.
Sigun pa ki Badiola, saro sa mga naeksperyensiyahan nindang huma mantang sinda nagpepreparar kan event iyo an budget kun saen naghanap man sindang mga sponsor tanganing mas magin matrayumpo an saindang aktibidad.
Alagad sa ibong kaini, pigtawan-duon kan opisyal na an importante an mai-disseminate an Humanitarian Law tanganing magin aware an mga partisipantes kun ano ba an mapadapit digde.
Sa ngunyan, pag-imbitar na sana ni Badiola sa gabos na makiparte sa saindang ikukundusir na International Humanitarian Law Celebration na mapuon man alas-9 nin aga sa naumbitan ng petsa.
