Posible pa man na mag-apply an mga biktima kan drug war tangani makisumaro sa kaso kontra ki dating Presidente Rodrigo Duterte dawa nagpuon na an paglilitis sa International Criminal Court (ICC), susog sa sarong abogado kan nakalihis na Lunes, Agosto 25.
Sigun ki Atty. Joel Butuyan, isang ICC-accredited lawyer, maski makalihis an pre-trial, dawa na ongoing na ini puwede pa man mag-apply for participation an nasambitan ng mga victims.
Paliwanag pa kan opisyal, an pangenot na yugto kun saen ganap na makakabali an mga biktima an sa reparation stage o kun napatunayang guilty an akusado asin pinag-uulayan na an danyos na ipagkakaloob sa sainda.
Basado man sa Registry Report on Group C Applications for Victim Participation in Pre-Trial Proceedings, nasa 303 biktima an nagsunad nin aplikasyon tangani makisumaro sa pre-trial kan kaso kontra ki Duterte.
An mga aplikante asin saindang kinatawan an pigbanga sa Groups A, B, asin C. Susog pa ki Butuyan, mas halangkaw an tsansang makapasa an mga nasa Groups A at B.
Ini an mga mas may kumpyansa an VPRS (Victims Participation and Reparations Section) na ma-qualify. Alagad an final decision iyo man an pre-trial chamber.
Marurumdumang si Duterte an presenteng nakakulong sa Scheveningen Prison sa The Hague. Nakatalaan an confirmation of charges hearing sa Setyembre 23, 2025, kun saen madesisyon an pre-trial chamber kun idadagos sa trial an kaso, ibabalik tangani liwat na imbestigaran, o dagusang ibabasura.
Sigun sa opisyal na tala kan gobyerno, labi sa 6,000 drug suspects an nagadan sa mga operasyon kan pulisya sa irarom kan war on drugs.
Alagad pigkakarkulong nagpakol sa 30,000 an kabilogang numero kan mga nagadan sigun sa mga human rights groups huli sa mga hindi nairehistrong insidente.
