Mawot kan Department of Agriculture (DA) na magin parte kan responsibilidad sa pagmamantinir kan rice buffer stock an mga importer, ini an saro sa paagi kan pag amyendar kan Rice Tariffication Law (RTL).
An DA, na binanggit an kansuarin sanang pagdangog kan Senate Committee on Agriculture, sinaysay kan nakalihis na Martes na nilinaw ni Agriculture Secretary Francisco Tiu Laurel Jr. na an pagtulak kan DA na ibalik an mga mayor na kapangyarihan sa regulasyon kan National Food Authority (NFA) an dae nangangahulugang magkakaigwa liwat ini nin sasarong awtoridad na ma-angkat nin bagas.
An pag-aangkat kan bagas an matinir sa pribadong sektor, alagad an mga importer an kaipuhang makiparte sa responsibilidad sa pagmamantinir kan buffer stock kan nasyon.
Kun nag hahangad na magkaigwa nin 20-day rice buffer stock, dapat igwa nin 50-50 split sa pag ultanan kan NFA asin man private sector.
Sa irarom kan pig suhestyon na setup, an pag-import man bagas an masunod sa sarong “controlled model” na siring kan sugar import program kan Sugar Regulatory Administration (SRA), na kun saen an mga kwalipikadong importer sana an pigtatawan nin import allocations.
Apwera pa digde, obligado an mga importer kan bagas na magbakal nin paroy gikan sa mga lokal na paraoma sa patas na presyo para sa buffer stocking.
Sigun ki Tiu-Laurel, an propwestong pagbabago an tangani makua an balanse para sa pag asegurar nin baratong presyo nin bagas para sa consumers asin an pag protehir sa kabuhayan kan lambang mga Filipino rice farmers.
