Tulong taon antes man an 2028 Los Angeles Olympics, an Filipina weightlifter na si Vanessa Sarno pig akseptar an two-year ban gikan sa International Testing Agency (ITA). An ITA nagreport na an Filipina Olympic weightlifter nagtugot sa suspension sa saiyang anti-doping rule violation (ADRV) sa irarom kan Article 2.4 kan International Weightlifting Federation Anti-Doping Rules.
An mga atleta na kabali sa Registered Testing Pool (RTP), kaiba na si Vanessa Sarno, igwa nin obligasyon na mag tao nin daily whereabouts kabali na an specific daily 60-minute time slot na available sinda para sa testing.
An obheto kaini iyo man an pag tugot sa anti-doping organisations na mag locate sa mga athletes para aa unannounced out-of-competition testing.
Susog sa ITA, si Sarno nakapagrehistro nin tulong whereabouts failures sa laog kan 12 bulan. Asin dae pag hamon sa ADRV asin pagtugot sa consequences.
Huli sa pag akseptar ni Sarno sa nasambitan ng suspension, naresolbar na an kaso. An pagpuon kan ineligibility an sa ika persa 4 kan Agusto 2025 hasta sa ika petsa 3 kan Agusto 2027.
Gabos man na mga individual competitive results kan mga atleta magpuon sa petsa kan commission kan ADRV (1 January 2025) hasta sa puon kan period of ineligibility an disqualified kabali na man an inaapod na forfeiture of medals, points and prizes. An ITA dae na maluwas pang pahayag para sa kaso ni Sarno.
An two-year ban kabali an an 2025 Southeast Asian Games, 2026 Asian Games, asin man 2026 Asian Weightlifting Championships. Marurumdumang duwang nanggana si Sarno nin gold sa SEA Games, gold asin silver pa sa Asian Championships.
Pig representa man kan nasambitan ng 21 anyos an nasyon sa women’s 71kg division sa 2024 Paris Olympics.
