Nagtutubod si Philippine Coast Guard (PCG) spokesperson for the West Philippine Sea (WPS) Commodore Jay Tarriela na an pagbubusol nin komprontasyon sa Vietnam, misguided na nagpapakusog sana sa interest kan China sa paagi kan pag-lihis gikan sa tunay na banta na kinakaatubang.
Ginibo ni Comm. Tarriela an nasambitan ng pahayag makalihis inkaminaron ini ni AFP retired Brigadier General Orlando De Leon kaiba sinda Defense Sec. Gilbert Teodoro asin National Security Adviser Eduardo Año na aksyunan an presensiya kan Vietnam sa WPS.
Ini an sa tahaw na man kan napabareta na harani na soboot malagpasan kan pinapatugdok na island-building ng Vietnam sa Spratlys an artificial-island building kan China.
Sigun pa ki Comm.Tarriela, bagaman may karapatan an Pilipinas na mag-raise nin concens katakod sa reclamation activities kan Vietnam, importante na bistuhon na pirang dekada nang na-okupa kan nasambitan ng nasyon an features kaini nin mayong agresibong mga aksiyon.
Magpuon kan nakalihis na 2002 Declaration on the Conduct of Parties sa disputed waters, dae na nag-okupa an Vietnam nin ano man na bagong features asin dae kaini ginambala pa an presensiya kan mga okupadong features kan nasyon, nagpapahiling ini nin haloy ng presensiya asin bakong panibagong expansionism.
Taliwas man ini sa pag-okupa kan China sa Mischief Reef magpuon kan taong 1995, iligal na deployment kan saindang maritime forces sa Scarborough Shoal kan 2012 asin padagos na pambubully sa mga barko kan PCG, Bureau of Fisheries and Aquatic Resources (BFAR) asin man fishing boats.
Hinamon man ni Tarriela si De Leon na kun tunay an pagkamakabayan kaini, dapat an magin pokus iyo an China na pauru-utro na nambubully asin man pigbubugtak an AFP asin PCG sa peligro sa paagi kan mga agresibong aksiyon siring na sana kan lasers, water cannon asin man tuyong pagbangga.
Nilinaw man ni Tarriela na an posisyon kan Pilipinas sa WPS an dae madidiktahan kan US o ano man na panluwas na pwersa. Ini an nakabase sa international law asin man kan national legislation na maduong pighurot ni Presidente Ferdinand Marcos Jr.
Sa huri, pig inkaminar ni Tarriela si De Leon na irekonsidera an saiyang mga pahayag asin sinabihang dae magpagamit sa China asin man dapat na pilion an Pilipinas.
