Mahahampang sa kasong plunder an mga opisyal asin man mga contractors na imbwelto sa ghost projects.
Ini an pigtawan duon ni House Infrastructure Committee Chairman Terry Ridon, makalihis puonan kan komite an saindang imbestigasyon dapit sa inapod na flood control mafia.
Inihayag ni Ridon na an saindang imbestigasyon an kasimbagan sa pangapudan ni Presidente Ferdinand Marcos Jr na siyasaton an gabos nin mga flood control projects partikular na an mga ghost, substandard asin man sobra sa presyo na mga proyekto.
Primerong tinumbok kan Komite an P55 million na ghost asin man substandard flood control projects sa Baliuag, Bulacan na personal na nadiskubri ni Presidente Ferdinand Marcos Jr.
Sinaysay ni Ridon na dapat sana na mapanimbag an mga imbelto sa anomalya asin man sunadan nin plunder. Tinukoy man ni Ridon an substandard flood control project sa Calumpit, Bulacan na ginibo kan St. Timothy Construction asin man Wawao Builders.
Pag asegurar pa kan lehislador na gabos nin iregularidad sa mga infrastructure projects an saindang sisiyasaton.
Pina subpoena man kan Komite an limang contractors na dae sumipot sa pagdangog kan nakalihis na aldaw kan Infra Comm.
Ini man an mga sumusunod: Royal Crown Monarch Construction and Supplies Corporation, SYMS Construction Trading; Alpha and Omega General Contractor and Development Corporation, St. Timothy Construction Corporation asin an Wawao Builders Corporation.
