Nakapreparar an defense team ni dating Presidente Rodrigo Duterte na ipresentaran counter evidence kun maghampang na an dating Presidente sa International Criminal Court (ICC) sa Setyembre 23.
Sa sarong redacte document na igwang petsang Setyembre 2, ipinaaram kan lead defense lawyer ni dating Presidente Duterte na si Nicholas Kaufman sa Pre-Trial Chamber 1 an mga pidaso kan ebidensiya na saiyang isusumiter para sa confirmation of charges hearings na masuporta sa mga argumento kontra sa mga dokumentong naglalaog kan mga kaso kontra sa dating Presidente.
An notification kan defense team an alinsunod s Rules of Procedures and Evidence kan ICC sa nagsusug sa defense na magtao nin istahan kan mga ebidensiya sa korte na dae malampas sa 15 aldaw antes an nakatalaang pagdangog.
Sa Setyembre 23 nakatalaang magpouon an apat na aldaw na confirmation of charges hearin para sa inaakusarang crimes against humanity kontra sa datin Presidente kan Pilipinas.
Digde tuukuyon kan korte kun igwa o mayong bastanteng ebidensiya para sa kaso kontra ki Duterte na magigin basehn ku ipagpapados an trial.
