Aram baya nindo mga ka-bombo, an 80-anyos na Lola gikan sa Japan nagpadara nin nasa 1 million yen o $6,700 sa online scammer na nagpamalo-malo na astronaut na na-stuck sa space asin kaipuhan soboot nin kwarta pambakal oxygen.
Susog sa report, an lola na gikan sa northern Hokkaido island kan Japan nabisto an scammer sa social media kan July pa.
Nagpabisto an scammer na lalaking astronaut na nasa misyon sa outer space na kun saen tolos man pigtubudan kan Lola.
Makalihis na makua an tiwala kan biktima, sinabi kan mga scammer na an saindang spaceship an pig-atake asin kaipuhan soboot nin oxygen.
Sigun sa mga suspek, sa paagi kan bank amount pwede magpadara nin kwarta an biktima na tolos man kaining ginibo.
Alagad, narealisar kan 80-anyos na Lola na igwang kakaiba o sala sa saiyang kaulay.
Digde na kaini pig-istorya sa saiyang pamilya an dapit sa kaulay na astronaut na tolos man pigreport sa mga otoridad.
Basado sa imbestigasyon kan mga kapulisan, nakumpirmar na na-scammed an 80-anyos na lola.
Saro soboot ini sa klase kan oline romance scam na pigkukua an tiwala kan sarong tawo hasta sa mahuthutan nin kwarta.
Sa ngunyan, dae na mababawi pa kan lola an saiyang naipadarang kwarta kun kaya liwat na nagpatanid an mga kapulisan na dae magtiwala tolos sa mga tawong nabibisto online o magin sa personal.
