Nagpatanid an National Privacy Commission o NPC na mas magabat an kapadusahan kun an sarong opisyal kan gobyerno an mabalgar sa Data Privacy Act.
Sa Bagong Pilipinas Ngayon, sinabi ni NPC Deputy Commissioner Atty. Jose Amelito Belarmino II, na gabos kan kahimanwa an igwa nin paninimbagan sa ley, alagad mas halangkaw an pamantayan sa mga nasa gobyerno huli ta sinda an dapat magsirbing huwaran.
Kun an sarong public official an mabalgar, apwera sa multa asin kaso, pwede man sindang habambuhay na pagbawalang magkapot nin ano man na posisyon sa gobyerno.
Obheto kaini na masiguro na an mga lingkod-bayan an responsable sa pagkapot nin personal na impormasyon kan publiko, asin mamantinir an tiwala kan taumbayan.
Dugang pa kan NPC, bako sanang opisyal kan gobyerno kundi gabos nin kahimanwa an sakop kan nasambitan ng ley. Alagad kun public servant an nagkasala, mas magabat an paninimbagan.
