Pigheras kan Content creator na si Zeinab Harake an saiyang kagustuhan na magkaigwa nin dakulang pamilya, asin mas mamawoton na magkaigwa nin duwa hasta sa tulong aki sa agom na si Bobby Ray Parks Jr.
Marurumdumang kansuarin sana nagpagkasal si Zeinab sa basketball star, asin pigheras kaini an plano na mas mag expand an saindang pamilya sa guest appearance kaini sa sarong podcast sa kawpa content creator Killa Kush.
Dugang pa ni Zeinab, dati na kaining sinukuan an ideya nin dakol pang aki, alagad an pananaw kan saiyang agom an nakapabago sa saiyang pagtubod.
Alagad piglinaw pa kaini na bako pa man ini priority sa presente, pig-eenjoy pa soboot ninda an saindang pag ibahan komo mga newlyweds.
Marurumdumang nagkaigwa nin intimate wedding sidna Zeinab asin Ray Parks kan nakalihis na Hunyo 1.
Sa nagin wedding vows, nag promisa si Ray ki Zeinab na mas papadabaon pa kaini an mga aki ni Zeinab na si Zebbiana asin Lucas.
