Nagpahayag nin kapreparaduhan na magtao nin seguridad an Philippine National Police (PNP) sa mga ikakasar na inspeksiyon kan Department of Pulic Works and Highways (DPWH) sa mga flood control projects sa manlaen-laen na parte kan nasyon.
Sigun ki Department of Interior and Local Government (DILG) Secretary Jonvic Remulla, an saindang pagtataong assistance an para sanang masierto na magigin marhay asin toninong an mga pag-imbestigar kan mga ahensiya sa mga imprastrakturang ini.
Dugang pa ni Remulla, mayo man aram an PNP pag-abot sa pagbilog kan mga establisyemento asin magin mga siring na proyekto kaya man babantayan na sana kan pulisya an mga angat sa mga tawo na nahihiling sa presente.
Pigtawan-duon man ni Remulla an importansiya kan presensiya kan pulisya sa mga siring na sitwasyon na obhetong makapaghatod nin sarong matibay asin marhay na seguridad sa mga inspection activities.
Mientrastanto, naenot man digde kan nakalihis na Biyernes, nangapodan na man nin assistance gikan sa Pambansang Pulisya an DPWH sa pangengenot ni SPWH Sec. Vince Dizon.
Sigun ki Dizon, dae kaya kaya kan sarong ahensiya an pagcheck asin pag-monitor kan mga proyekto sa dakol kaini kaya man naghahagad na ini nin tabang gikan sa PNP asin magin sa Armed Forces of the Philippines (AFP).
