Alex Gonzaga pinahali na an saiyang nose implant

Pigbuyagyag kan actress na si Alex Gonzaga na pinahali kaini an saiyang nose implant kan Hulyo.

Pigsaysay kan actress nag desisyon ini na halion huli ta nagkakawsa nin pamumula asin iritasyon sa saiyang dungo.

Isinagibo kaini an pagpapahali kan saiyang nose implant makalihis an pakikipag-konsulta ki Dra. Vicky Belo.

An Gore-Tex implant o expanded polytetrafluoroethylene (ePTFE), sarong klase kan implant na ginagamit sa rhinoplasty tanganing magkaigwa nin “reshape asin augmentation” an dungo kun saen an natural tissues kaini matubo.