Pigheras kan aktres na si Judy Ann Santos an saiyang pasasalamat para sa duwang makabuluhang libro na naresiber kaini.
An saro an gikan pa sa national artist na si Ricky Lee. Si Ricky asin direk Joel Lamangan an primerong nagtiwala sa saiya na gumanap komo Sabel, sarong seryoso asin mature na role an pinagkatiwala sa saiya kaya man soboot habang buhay ini na utang na loob para sa saiya.
Mantang an saro pang libro iyo an commemorative coffee table book na gikan sa Metro Manila Film Festival (MMFF), sa pagselebrar nin ika 50th anniversary.
Sigun ki Judy Ann, sarong milestone an sa saiya an magawadan komo youngest hall of famer sa pagka best actress sa mga pelikulang [Kasal, Kasali, Kasalo], Mindanao, asin Espantaho.
Aminado si Juday na labi pa an saiyang kaogmahan para sa recent milestone na ini asin nag promisang papadaguson pa an saiyang journey na may onra asin paninindugan. Nagpasalamat man ini sa mga directors, producers, writers asin jury kan MMDA asin MMFF.
Nagtutubod pa ini na an gabos na mga pangaturugan, napapatotoohan kaipuhan sana na mag hinguha.
Patunay man ini na mayong imposible, dawa gurano kadakula an mga pangarap, basta mayong nadadanyaran na ibang tawo, asin man pantay an paghiling sa gabos, marerealisar na sana sarong aldaw, naabot na palan gabos na mga piggugusto sa buhay.
