Pinanindugan ni Israel Prime Minister Benjamin Netanyahu an pag-atake ninda sa Doha, Qatar target an haralangkaw na opisyal kan Hamas kan nakalihis na Setyembre 9.
Sa sarong press conference, sinaysay ni Netanyahu na an saindang nagin aksiyon, “justified”.Konektado soboot an Qatar sa Hamas kun saen pigpapakusog, asin pigpopondohan soboot kan Qatar an grupo.
Igwang kakayanan man soboot an Qatar na mag-atras alagad dae kaini ginibo.
Marurumduman, nagresulta an pagbomba kan Israel sa Doha kan pagkagadan kan anom na katawo, alagad mayong nadamay digde na haralangkaw na opisyal kan Hamas na iyong target kan Israel.
Komo kasimbagan, nagsagibo an Qatar nin emergency summit kan Arab League and Organisation of Islamic Cooperation kan nakalihis na Setyembre 16 na inatendiran kan lider kan haros 60 nasyon tanganing ipangapodan an mahigot na aksiyon kontra sa Israel.
