NAGA CITY- Matrayumpo an nagin pagpartisipar kan barangay Pacol sa siyudad nin Naga City sa pigkundusir na Civic Parade ngunyan na aldaw.
Sa entrevista kan Bombo Radyo Naga ki Ruben Limbo, Barangay Kapitan kan nasambitan ng lugar, sinaysay kaini na antes pa man an aktibidad preparado na an gabos na gamit siring kan mga props asin attire na naka-assign sa sainda.
Dugang pa kaini, antes pa man an event preparado na an saindang barangay sa budget para sa transporstasyon asin snackan kan mga pag-iriba.
Apwera sa mga opisyales kairiba man sa civic parade an mga solo parents, senior citizen, ALS asin iba pang mga personahe.
An pag-atendir nin Civic Parade nagin kultura na kan barangay Pacol komo saindang pagtaong onra sa kafiestahan kan mahal na patrona.
Mientrastanto sa maabot na Fluvial Procession dae naman soboot mandatory an presensya kan saindang grupo apwera kun mawot man ninda na mag-atender.
Sa ngunyan, hagad na sana kan opisyal sa mga deboto sa maabot na Fluvial Procession an magin disiplinado sa mga aksyon komo pagrespeto sa Our Lady of Peñafrancia.
