Nag-apelar an Catholic Bishops’ Conference of the Philippines (CBCP) sa mga lehislador, independent oversight bodies, asin mga ahensya nin prosekusyon na parikason an proseso kan imbestigasyon asin paninimbagan katakod sa soboot korapsyon sa flood control projects.
Sigun ki CBCP president asin Kalookan Bishop Pablo Virgilio Cardinal David, dapat na siertuhon na an gabos nin kontrata kan gobyerno pigsasagibo nin igwa nin transparency asin integridad, asin man mayong halong katiwalian.
Pigtwawan duon pa ni David, na bastante na an mga naenot na imbestigasyong napuli sana sa kompromiso asin politikal na kasunduan, asin dae dapat pagtugutang mautro an siring na kalakaran.
Kaya man enot nang nangapudan an simbahan sa publiko na makisumaro sa “Trillion Peso March” na pigkundusir sa EDSA People Power Monument ngunyan nin Dominggo.
Obheto kaya kan nagin pagtiripon na magsirbing moral na paninindugan kontra sa kultura ng kan korapsyon na nagpapasakit sa taumbayan, nagraraot sa dignidad kan tao, asin nag-uulang sa futuro kan nasyon.
An pagtiripon man an komo sarong panahon nin pagpangadyi, pagkasararo, asin paghiro para sa katarungan asin paninimbagan.
Sigun sa simbahan, an paghiro an bako para sa pampulitikang destabilization kundi tangani mas mapakusog pa an demokrasya sa paagi kan pagpapagirumdom na an gabon nin lider an dapat na manimbag sa irarom kan gabos nin Konstitusyon asin rule of law.
