Pigpahayag ni Vice President Sara Duterte na nagtutubod ini sa mga alegasyon nin suhol na kinaiimbweltuhan ni dating House Speaker Martin Romualdez.
Sigun sa panduwang Presidente, nagtutugma an mga report dapit sa mga maletang pano nin kwarta sa mga naenot na bareta kan katiwalian.
Pigsambit man kaini an desisyon kan Delaware Court sa kaso kan Okada Manila, kun saen pauro-utro na nagluwas an pangaran ni Romualdez.
Pigtukoy kan korte an heavy luggage na soboot igwang laog na dokumento, alagad dae ini pigtubudan.
Para ki VP Duterte, an pattern kan mga pangyayaring ini an dae dapat balewalaon.
Liwat man na kinuwestiyon ni Duterte an desisyon ni Presidente Marcos Jr. sa pagsuporta ki Romualdez komo Speaker kaidto.
Sa huri, pigtawan duon kaini na ngunyan an panahon kan hustisya asin pagsingil gikan sa taumbayan.
Mientrastanto, mayo pa man panibagong kasimbagan an kampo ni Romualdez sa bagay na ini.
