Tiwala an National Bureau of Investigation (NBI) sa saindang mga ebidensya manungod sa sinasabing “misdeclarations” nin ari-arian sa Statement of Assets, Liabilities, and Net Worth (SALN) ni Vice President Sara Duterte.
Pinanindugan ni NBI Dir. Atty. Melvin Matibag na malinaw an saindang mga nakalap na ebidensya dapit digdi.
Base sa SALN kan Bise Presidente, an idineklarang lote sa Brgy. Catigan, Davao City, na sarong “agricultural land,” nadiskubreng igwa nin “helipad” sa laog.
Dugang pa sa “helipad,” nahiling man an sarong “farm to market road” sa nasabing lote.
Kaya, sinabi kan direktor na mas marhay na bisitahon ninda mismo an lote, orog na matapos itong idehar kan opisyal na bakong saiya.
Kahapon, Oktubre 14, 2026, pormal nang isinumite kan NBI sa Office of the Ombudsman an mga ebidensya manungod sa isyu nin “misdeclarations” sa SALN kan Bise Presidente.
