Piglinaw kan Philippine Institute of Volcanology and Seismology (Phivolcs) na dae konektado an nagtamang makusog na magnitude 6.9 na linog sa Cebu sa pagsabog kan bulkang Taal ngunyan na Miyerkules, Oktubre 1.
Paliwanag ni Phivolcs Director Dr. Teresita Bacolcol nagpuputok talaga o kaya man nag-aalburuto an bulkan paminsan-minsan.
Sa katunayan soboot labi 90 phreatic asin phreatogmagnetic eruptions na an naikurit puon kan nakalihis na Abril kan nakalihis na taon.
Sa ngunyan, nagtitinir an Taal sa Alert Level 1, na boot sabihon abnormal pa man giraray an kondisyon kaini na igwang hababang lebel kan volcanic unrest.
Katakod kaini, pigpapagiromdoman an publiko na magtinir na mapagmatiyag huli ta posible an biglaang pagsabog, volcanic earthquakes, manipis na ashfall asin pagbuga kan nakakalasong gas.digde, nagtama an makusog na linog kasubanggi antes mag-alas-10 mantang an minor phreatomagnetic eruption man sa bulkang Taal an naikurit kasubagong mag-uumagahon pasado alas-2 ngunyan na Miyerkules.
