Aram baya nindo mga ka-bombo, sarong bagong kasal sa Bhopal, India an nagsunad nin diborsyo sa kada saro makalihis na mabigong mapagkasundo an saindang mga atamang Ido asin Ikos.
Susog sa report kan Bhopal Family Court, an dae na pinangaranan na mag-agom nagpuon an relasyon huli sa saindang dakulang pagpapadangat sa mga hayop na dae man piglalaoman magigin rason sa pagsuhayan kan mga ini.
Makalihis soboot na magpakasal kan December 2024, an duwa an nagdesisyon na mag-ibahan sa sarong harong kun saen digde na nagpuon an saindang problema.
Sigun sa babae makapirang beses na pig-atake kan atamang Ido kan saiyang agom an ataman man kaining Ikos.
Mantang para sa lalaki, dae soboot ini uyon na darahon kan saiyang agom an ataman kaining ikos sa saindang harong.
Katakod digde, mas orog na naglala an dae pagkaintindihan kan duwa huli sa saindang mga kanya-kanyang atamang hayop na maski an saindang mga kaparientes asin counselling an dae na kayang resolbaron an problema.
Sa ngunyan, padagos na pigdadangog kan korte an petisyon na pigsunad kan duwa dapit sa kamawotan kan mga ining dagusan nang magsuhayan.
