Nakareseber an Anti-Money Laundering Council (AMLC) nin dugang na mga freeze order gikan sa Court of Appeals na target an dugang na assets sa mga imbwelto sa anomalya kan flood control projects.
An pang-apat na freeze order pigluwas kan Biyernes, Oktubre 3, 2025 na nagsasakop sa 57 na bank accounts, 10 real properties, 9 na lunadan na nasa listahan kan AMLC.
Sa mga naenot na freeze order nakapauntok na sinda nin assets na nagkakantidad sa P4-bilyon.Dugang pa kan Anti-Money Laundering Council na igwang kabilugang 1,620 na mga bank accounts, 54 insurance policies, 163 motor vehicles, 40 real properties asin 12 e-wallet accounts an na-freeze na kan Court of Appeals.
Katakod digde, pigsaysay man ni AMLC Executive Director Atty. Matthew M. David na an nasambitan ng lakdang ann tanganing mapugulan an mga nangyayaring kurapsyon sa nasyon.
