Pigtawan duon ni Senate President Pro Tempore Ping Lacson an pag pagkanselar o pag-reprice kan P1.6 trilyong proyekto kan Department of Public Works and Highways (DPWH) an makakatabang bako sana sa pagpapondo kan mga programa sa salud asin pang-edukasyon, kundi pati man sa pagbawas nin utang kan nasyon.
Pigsaysay ni Lacson na suportado kaini an suhestyon ni Rep. Leandro Leviste na ipautob an lakdang na ini.
Sigun ki Leviste, pigtugutan an mga kontrata kan DPWH na kanselaron an proyekto sa irarom kan “termination for convenience” kun dae na praktikal an proyekto, o “termination for unlawful acts” kun igwang katiwalian na mapapatotoohan.
Pig-enkaminar kaini si DPWH Secretary Vince Dizon na kanselaron an P1 trilyong proyekto para sa 2025 at P600 bilyong proyekto para sa 2026, na maresulta sa P400 bilyong matitipid.
Naenot nang pigbuyagyag ni Lacson sa duwang privilege speech an katiwalian sa likod kan mga palpak asin guniguning flood control projects, kaiba an sistematiko asin lantarang korapsyon sa laog kan DPWH.
Dugang pa ni Lacson, tututukan kaini an prosopwestong 2026 budget kan DPWH asin nangangapudan sa mga lehislador na magpahiling nin self-restraint sa prosupwesto kan realignment, orog na sa mga locally funded infrastructure projects.
