Aram baya nindo mga ka-bombo nag-viral sa social media an duwang bayawak na magkakugos na pigtutubudan na tanda kan saindang pagpadangatan
Alagad sigun sa sarong eksperto, iba kun minsan an buot sabihon kaini sa kinaban kan mga hayop.
Sa report napag-araman na nakua an viral video kan mga bayawak sa University of the Philippines Visayas campus sa Miagao, Iloilo.
Susog sa nagkua kan video na si Charlie Jagonos, enot na beses kaining makahiling nin magkakugos na bayawak na “cute” paghilingon.
Sa kaisipan kan mga netizen na tanda soboot kan pagkamoot an pagigin magkakugos kan duwang bayawak.
Alagad pigbuyagyag kan herpetologist na si Dr. Arvin Diesmos, igwang ibang boot sabihon an pagkukugusan sa animal kingdom.
Dugang pa ni Diesmos bako ining love ritual. Alagad ini an inaapod na combat ritual na parehas sindang mga lalaki. An pinahiling na behavior, piggigibo kan mga males na mga bayawak, na nag-e-establish kan territory enkaso igwa sindang pinoproteheran na saindang breeding area.
Maski an monitor lizard na pinakadakulang butiki sa nasyon, marekas asin maliksi sindang maghiro sa daga.
Mahigos man sindang maglangoy asin kayang magtagal nin pirang minuto na nakalubog sa tubig.
