Pinabale-wala ni Senador Vicente “Tito” Sotto III an alegasyon na nagresibe siya nin mga maleta na sinasabing igwa nin laog na kwarta hali sa sarong sinasabing “bagman” na imbwelto sa kontrobersiya manungod sa mga proyekto nin flood control.
Ini an kasunod kan pagtestigo ni Rodante Orbillo sa Sandiganbayan na sinasabing naghatod siya nin mga maleta na may laog na kwarta ki Sotto, dating mambabatas na si Stella Quimbo, asin dating Senador Antonio Trillanes IV.
Ipighayag an mga alegasyon sa bail hearing ni dating House Speaker Martin Romualdez manungod sa kasong plunder na nagkakantidad nin P7.44 bilyon.
Sa ibong na lado, tiniyak ni Sotto na dai tutugutan kan Senado na gamiton an panukalang 2027 national budget tanganing impluwensiyahan an magigin desisyon sa impeachment trial ni Bise Presidente Sara Duterte.
Segun sa senador, magkaibang usapin an budget deliberations asin impeachment proceedings.
Idinugang pa niya an pangangaipo nin masusing pagsusuri asin transparency sa pag-urulay asin pagpasar kan pambansang budget.
