Nangapodan si Senator Alan Peter Cayetano sa gabos kan presenteng opisyal kan gobyerno, gikan sa Kongreso hasta sa Malacañang, na sarabay na magbutas sa pwesto asin magdaos nin snap election tanganing magluklok nin panibagong linyada kan mga lider.
Sinaysay ni Cayetano na pwedeng ini na sana an sulamenteng paagi tanganing liwat maibweltada an tiwala kan publiko sa mga political institutions kan nasyon.
Sigun sa senador, sunod-sunod na isyu kan korapsiyon na pigkakahampang kan gobyerno an nagraot sa pundasyon kan pananampalataya kan taumbayan sa pamamayo, asin an tunay na paninimbagan an nangangaipuhan nin labi pa dapat sa mga tataramon gikan sa mga opisyal.
Hurot pa kan lehisladorn mayo dapat sa mga presenteng opisyal an dapat tugotan na magdalagan liwat.
Pigkokonsiderar ini ni Cayetano na sarong pambansang reset button na mapatotoo na an pagserbi sa nasyon an bakong mapadapit sa pansadiring interes kundi sa tunay na pangangataman sa tiwala kan mamamayan.
An pahayag ni Cayetano an nagluluwas sa tahaw kan liwat na pag-usbong kan kaanggutan kan publiko huli sa mga kontrobersiya kan korapsiyon na kinaiimbweltuhan kan nagkapirang proyekto sa imprastraktura asin salang paggamit kan pondo.
Mayo pang opisyal na kasimbagan gikan sa Malacañang alagad sigun sa nagkapirang kaalyado kan administrasyon, inapod ninda ining “political theater.”
Siring man, igwag man nagkapirang nagsabing nagpapahiling ini sa dakulang pagkadismaya maski sa laog kan gobyerno mismo.
