Nanindugan si Senador-Hukom Raffy Tulfo na dapat nag-divest na si Bise Presidente Sara Duterte kan saiyang mga interes sa negosyo bago pa man siya nagtukaw sa ikaduwang pinakahalangkaw na posisyon sa gobyerno.
Segun ki Tulfo, mismong sa sarong sworn document, inako kan Bise Presidente na pagrogaring ninda kan saiyang agom na si Atty. Manases Carpio an nasabing kumpanya.
Paliwanag kan senador, nagdudulot ini nin dakulang isyu sa ley. Kun dae suboot inamin o idineklara ni Duterte an saiyang pagrogaring sa kumpanya, posible ining magin isyu nin non-declaration sa saiyang mga legal na dokumento.
Sa ibong na lado, kun idineklara man niya ini, pwede man ining magin tahasang pagbalga sa Article VII, Section 13 kan 1987 Constitution, na malinaw na nagbabawal sa Presidente, Bise Presidente, asin mga miyembro kan Gabinete na makikabtang sa arin man na negosyo mantang nakatukaw sa pwesto.
Huli kaini, pirit kan mambabatas, nakakapagngalas kun tano ta mayo man lang sa mga legal advisor o abogado ni Duterte an nakapagpasabot saiya na kaipuhan niyang mag-divest kan saiyang mga rogaring asin negosyo tanganing makalikay sa pagbalga sa Saligang Batas.
