Nangapudan an Catholic Bishops’ Conference of the Philippines (CBCP) nin sarong National Day of Prayer and Public Repentance” ngunyan na aldaw Oktubre 7, kasabay kan selebrasyon kan Feast of Our Lady of the Holy Rosary.
Sa sarong surtar na ipinadara sa mga diyosesis, pig-enkaminar ni CBCP President Cardinal Pablo Virgilio David an mga parokya, kapilya, eskwelahan, pamilya, asin mga organisasyong simbahan na makisunaro sa nasambitan ng pagrumdom komo kasimbagan sa padagos na problema kan nasyon sa mga kalamidad asin katiwalian.
Sigun pa ki Cardinal David, sa diwa kan makapangyarihang pangapudan ni Propeta Baruch (Bar 1:15–22), na sarong pagpapangadyi kan pambansang pagbisto sa kasalanan asin pagbasol asin sa konteksto kan mga kalamidad na padagos na naeksperyensiyahan kan nasyon, sinda an nangangapudan nin sarong Pambansang Aldaw nin pagpapangadyi asin Pampublikong Pagbasol.
Komo preparasyon, pigsuhestyon kan kardinal na puonan an pagpapadangyi nin sarong espesyal na pagpapanagyi puon Martes asin tuyong Domingo hasta sa Kapistahan kan Christ the King sa Nobyembre 23. An pagpapangadyi an igwang titulong “National Cry for Mercy and Renewal.”
Sigun pa Cardinal David, parte ini kan synodal journey o paglalakbay kan Simbahan, sarong nagkasararong paglalakbay kan banwaan nin Diyos, pagdangog sa Espiritu Santo asin sa kada saro na igwang kababaang-boot asin paglaom.
